Ek ken 'n ou, ou liedjie
Van lewenswel en wee
Van lank vergane skepe in
Die kelders van die see
Die woorde is vergete
En tog die deuntjie draal
Soos vaag onthoude grepies uit
'n Baie ou verhaal
Van swerwers sonder rigting
Soekers wat nooit vind
En eindelik was almal maar
Net kinders van die wind
Gesigte, drome, name
Is deur die wind verwaai
En waarheen daardie woorde is
Sou net 'n kind wou raai
Swerwers sonder rigting
Soekers wat nooit vind
En eindelik was almal maar
Kinders van die wind
Swerwers sonder rigting
Soekers wat nooit vind
En eindelik was almal maar
Kinders van die wind
